ग्रामपंचायत निवडणुकीसाठी प्रशासन सज्ज:-तहसीलदार किरण अंबेकर

नांदेड,बातमी24:- नांदेड तालुक्यातील 65 ग्रामपंचायत निवडणुकीसाठी उमेदवारी अर्ज दाखल करण्यास आजपासून सुरुवात झाली आहे. या निवडणुकीसाठी प्रशासकीय यंत्रणा सज्ज असल्याची माहिती नांदेड तहसीलदार किरण अंबेकर यांनी दिली.

नांदेड तालुक्यातील 65 ग्रामपंचायतीसाठी 15 रोजी मतदान होणार आहे. या निवडणुकीसाठी ग्रामपंचायत निहाय अर्ज दाखल करण्यासाठी चार हॉलमध्ये 26 टेबल करण्यात आले आहेत.यासाठी 78 कर्मचारी तैनात असणार आहेत.यामध्ये महसूल,ग्राम विकास,पाटबंधारे व विक्रीकर कार्यालयातील कर्मचाऱ्यांचा समावेश असणार आहे,असे तहसीलदार अंबेकर यांनी कळविले.
—–
असा असेल निवडणूक कार्यक्रम
दि.23 ते 30 डिसेंबरपर्यंत अर्ज दाखल करता येणार आहे.31 रोजी माघार, 4 जानेवारी रोजी छाननी व चिन्ह वाटप होणार आहे,तर प्रत्यक्ष मतदान 15 रोजी तर मोजणी 18 रोजी होणार आहे.
——-
तहसीलदारसह पाच नायब तहसीलदार यांची नेमणूक
या निवडणुकीसाठी तहसीलदार यांच्यासह पाच नायब तहसीदारांच्या खांद्यावर ही जबाबदारी असणार आहे,असे ही किरण अंबेकर यांनी सांगितले.