दिवसभरात जि.प.च्या एका अधिकार्‍यासह मुख्याध्यापकाचा कोरोनामुळे मृत्यू

नांदेड, बातमी24ः दिवसभराच्या काळात जिल्हा परिषदेच्या एका सहाय्यक गट विकास अधिकार्‍यासह मुख्याध्यापकाचा कोरोनाच्या संसर्गामुळे मृत्यूची झाल्याची घटना शुक्रवार दि.25 रोजी घडली.

जिल्ह्यात कोरोनाच्या संसर्गामुळे मृतांची संख्या झपाटयाने वाढत आहे. त्याचसोबत बाधित रुग्णांची संख्याही चिंता वाढविणारी ठरत आहे. यात शुक्रवारी जिल्हा परिषदमधील पंचायत विभागातील सहाय्यक गट विकास अधिकारी विवेक देशमुख यांना कोरोनाची लागण झाली होती. यात त्यांचा मृत्यू झाला.तसेच लोहा तालुक्यातील जिल्हा परिषद शाळेचे मुख्याध्यापक आर.सी. कोदरे यांचे सुद्धा कोरोनाच्या संसर्गामुळे निधन झाले. एकाच दिवसात जिल्हा परिषदेच्या सहाय्यक गट विकास अधिकारी व एका मुख्याध्यापकाचे निधन झाल्याने अधिकारी व कर्मचार्‍यांमधून हळहळ व्यक्त केली जात आहे.