भाजपकडून मंदिराबाहेर घंटानाद

नांदेड, बातमी24ः धार्मिक स्थळे खुले करण्यात यावेत, या मागणीसाठी भाजपच्या वतीने शनिवार दि. 29 रोजी घंटानाद आंदोलन करण्यात आले. या वेळी भाजपच्या पदाधिकारी व कार्यकर्त्यांनी शहर व जिल्हा भरातील वेगवेगळया धार्मिकस्थळासमोर जाऊन घंटानाद आंदोलन करून सरकारचे लक्ष वेधण्याचा प्रयत्न केला.

भाजपकडून मागच्या काही दिवसांपासून धार्मिक स्थळे उघडण्यात यावेत, अशी मागणी केली जात आहे. तसेच दुसरीकडे वंचित बहुजन आघाडीचे प्रमुख अ‍ॅड. प्रकाश आंबेडकर यांनी पंढरपुर येथील मंदिर खुले करण्यात यावे, यासाठी पंढरपुर येथे एक लाख वारकर्‍यांना सोबत घेऊन आंदोलनाची तयारी चालविली असताना इकडे भाजपच्या वतीने धार्मिक स्थळांवर जाऊन बंद मंदिरांबाहेरील घंटानाद केला. या आंदोलन जिल्हाभरातील भाजप पदाधिकारी व कार्यकर्त्यांनी सहभागी झाले होते.