स्थानिक स्वराज्य संस्थेच्या सभा संबंधी शासनाचा नवा आदेश

नांदेड, बातमी24ः कोरोनाच्या वाढत्या संसर्गाचा विचार करता,यापुढे जिल्हा परिषद व पंचायत समितीच्या विशेष व विषयनिहास सभा या व्हिडिओ कॉन्फ रंसिंगव्दारेच घ्यावा लागणार आहेत. यासंबंधीचे आदेश ग्रामविकास मंत्रालयाने दिले. अशा आदेशाची अंमलबजावणी प्रशासनाला करावी लागणार आहे.

मार्च महिन्यांपासून कोरोनाचे आलेले संकट थांबण्याचे नाव घेत नसून रुग्ण संख्येत मोठी वाढ होत आहे. कोरोनाचा प्रादुर्भाव रोखण्यासाठी यापूर्वीच शासनाकडून सामाजिक अंतराच्या अनुषंगाने सूचना दिलेल्या आहेत. शासनाचे पुढील आदेश येईपर्यंत स्थानिक स्वराज्य संस्थेच्या सर्वसाधारण सभा, विविध विषयी समित्यांच्या सभा या व्हिडिओ कॉन्फ रंसिंगव्दारेच आयोजित कराव्या लागणार आहेत.त्यामुळे पुढील काळात स्थानिक स्वराज्य संस्थांना ग्रामविकास खात्याच्या आदेशाची अंमलबजावणी करावी लागणार आहे.