नांदेड शहरात दोन गटात तुंबळ हाणामारी

नांदेड, बातमी24ः- इतवारा भागातील अवैध व्यवसायाच्या वर्चस्वावरून दोन गटात तुंबळ हाणामारी झाली. यात लाठया-काठया, लोखंडी रॉड व तलवारीचा वापर केला गेला. यात हाणामारी एक जण गंभीर जखमी असून त्यावर शासकीय रुग्णालयात उपचार सुरु आहेत.ही घटना सोमवार दि. 6 जुलै रोजी दुपारी घडली.

इतवारा भागात शांतीनगर भागात दारु, मटका, गुटखा असे अवैध व्यवसाय चालतात. या अवैध व्यवसायावरून दोन गटात कायम खटके उडत असत. या वादा-वादीचे पर्यावसन सोमवारी पैलवान टी हाऊससमोर हाणामारीत झाले. दोन्ही गटातील मंडळी समोरा-समोर भिडले. यात काठया-लाठया, तलवारी उपसल्या गेल्या. दोन्ही बाजूंनी बराच वेळ दगडफे क करण्यात आली.

या घटनेची माहिती मिळताच इतवारा पोलिस ठाण्याचे पोलिस निरीक्षक नरवाडे यांनी फ ौजफ ाटा घेऊन दाखल झाल्यानंतर हाणामारी करणारे फ रार झाले. या हाणामारीत गोविंद कांबळे नामक तरूण गंभीर जखमी झाल्याचे सांगण्यात आले, असून त्याच्यावर शासकीय वैद्यकीय रुग्णालयात उपचार सुरु आहेत. या प्रकरणी सायंकाळी उशिरापर्यंत दोन्ही बाजूंनी गुन्हा नोंद होऊ शकला नव्हता. असे पोलिसांकडून सांगण्यात आले.