गंभीर रुग्णांच्या संख्येत मोठी वाढ

नांदेड, बातमी24ः- नांदेड जिल्ह्यात कोरोनाच्या रुग्णांची संख्या दिवसेंदिवस वाढत आहे. रोजचा आकडा शंभरीपार जात आहे. यात दोनशे रुग्णांची भर सुद्धा पडलेली आहे. जशी-जशी रुग्णांची संख्या वाढत असताना गंभीर रुग्णांचा आकडा लांबत आहे. आजमितीस जिल्ह्यात 53 रुग्णांची प्रकृती गंभीर आहे. ही संख्या प्रशासनाची चिंता वाढविणारी ठरत आहे.

मंगळवारी नांदेड जिल्ह्यात 137 नवे रुग्ण सापडले आहेत. त्यामुळे एकूण रुग्णसंख्या 2 हजार 496 इतकी झाली आहे. तर आतापर्यंत 1 हजार 57 जणांची कोरोनातून मुक्तता झाली आहे. तर 1 हजार 329 जणांवर उपचार सुरु आहेत. यात 53 रुग्णांची प्रकृती गंभीर आहे.37 महिल व 16 पुरुषांचा समावेश आहे. आतापर्यंत जिल्ह्यातील 97 जणांचा कोरोनामुळे मृत्यू झाला आहे. तर इतर जिल्हयातील दहा ते पंधरा जण मरण पावले आहेत. दिवसाकाठी कोरोनामुळे मरण पावणारांचा आकडा तीन ते चार असतो. यापूर्वी एकाच दिवशी दहा जणांनी कोरोनाच्या संसर्गामुळे प्राण सोडल्याची नोंद आहे.