रुग्णांच्या संख्येत पुन्हा मोठी वाढ;सात जणांचा बळी

नांदेड, बातमी24:-कोरोनाच्या रुग्णसंख्येत शनिवार दि.20 रोजी मोठी वाढ झाली,असून 947 रुग्ण वाढले आहेत,तर 7 जणांचा बळी या संसर्गाच्या विषाणूमुळे झाला आहे.

कोरोनाची आकडेवारी डोकं गांगरून टाकणारी येत असून झपाट्याने वाढत जाणारे आकडे प्रशासनाची डोकेदुखी ठरत आहे.यातून रुग्णालय सुद्धा हाऊसफुल होत चालले आहेत.

मागच्या 24 तासात 3 हजार 896 चाचण्या करण्यात आल्या. यात 2 हजार 723 निगेटिव्ह तर 947 जणांचे अहवाल कोरोना पॉझिटिव्ह आले. यात मनपा हद्दीत 579 जणांचा समावेश आहे. आरटीपीसीसार चाचणीत 509 तसेच अँटीजनमध्ये 438 जणांचा समावेश आहे.

यासह सात जणांचा कोरोनाच्या संसर्गामुळे मृत्यू झाला. यात चार पुरुष व तीन महिलांचा समावेश आहे. मरण पावले सर्व जण हे 50 ते 80 वयोगटातील आहेत. त्यामुळे आतापर्यंत 639 जण दगावले गेले.4 हजार 770 बाधितावर उपचार सुरू असून यातील 47 जणांची प्रकृती चिंताजनक आहे.