बेटी बचाओ बेटी पढाओ अभियानाचा पालकमंत्री चव्हाण यांच्या हस्ते शुभारंभ

 

नांदेड,बातमी24:- प्रजासत्ताक दिनाचे औचित्य साधून 26 जानेवारी 2021 रोजी पालकमंत्री अशोक चव्हाण यांच्या प्रमुख उपस्थिती बेटी बचाव बेटी पढाव अभियान अंतर्गत विविध कार्यक्रमाचा शुभारंभ करण्यात आला.यावेळी जिल्हा परिषद अध्यक्ष मंगराणी अंबुलगेकर, जिल्हाधिकारी डॉ.विपीन इटनकर, सीईओ वर्षा ठाकूर यांची उपस्थिती होती.

जिल्हा परिषद महिला व बालकल्याण विभागाच्यावतीने मंगळवार रोजी सकाळी-9.15 वा.डिजिटल एलईडी चित्ररथाचे पालकमंत्री महोदयांसमोर शासकीय कार्यक्रमात प्रदर्शन करण्यात आले.जिल्ह्यातील गावा- गावातून बेटी बचाओ बेटी पढाओ योजनेचा प्रचार करण्यासाठी एलईडी व्हॅनचा शुभारंभ पालकमंत्री अशोक चव्हाण, मंगराणी अंबुलगेकर, जिल्हाधिकारी डॉ.इटनकर,वर्षा ठाकूर,महिला व बालकल्याण सभापती सुशीला बेटमोगरेकर, महिला व बालकल्याण विभागाचे उपमुख्य कार्यकारी अधिकारी सुनील शिंगणे आदींच्या उपस्थित झाला.

बेटी बचाओ बेटी पढाओ अंतर्गत सन- 2020- 21 च्या कृती पुस्तिकेचे विमोचन करण्यात आले. तसेच बेटी बचाओ बेटी पढाओ योजनेंतर्गत घरावरील नावाच्या पाटीवर मुलीचे नाव लिहिण्याचा जो उपक्रम हाती घेण्यात आला आहे, त्या मुलीच्या नावासह असलेल्या घराच्या पाटीचे अनावरण अशोक चव्हाण यांनी केले.

बेटी बचाओ बेटी पढाओ अंतर्गत बालविवाह प्रतिबंधासाठी व त्याबाबतच्या जनजागृतीसाठी तयार करण्यात आलेल्या बिल्यांचे अनावरणही करण्यात आले.

यावेळी आमदार अमर राजूरकर, आमदार बालाजी कल्याणकर,आमदार मोहनराव हंबर्डे,माजी आमदार हणमंतराव पाटील बेटटमोगरेकर,निवासी उपजिल्हाधिकारी प्रदीप कुलकर्णी, विजय बोराटे, सुधीर सोनवणे आदींची उपस्थिती होती.