योगी यांच्या प्रतिकात्मक पुतळ्याचे दहन;आंबेडकरी युवक आक्रमक

नांदेड, बातमी24:-उत्तर प्रदेशातील हातरस येथील वाल्मिकी समाजातील 19 वर्षीय तरुणीवर अमानुष बलात्कार करण्यात आला होता,या घटनेत त्या तरुणीच्या मृत्यूनंतर देशभर संतापाची लाट उसळली आहे.या घटनेचे नांदेड शहरात पडसाद उमटले,असून या घटनेच्या निषेधार्थ आंबेडकरी युवकांनी महात्मा फुले पुतळा येथे उत्तर प्रदेशचे मुख्यमंत्री योगी आदित्यनाथ यांच्या प्रतिकात्मक पुतळ्याचे दहन करण्यात आले. या आंदोलनाची हाक राहुल प्रधान यांनी दिली होती.

त्या घटनेतील बलात्कार पीडित मुलीच्या मृत्यूनंतर देशभर संताप उसळला आहे. या घटनेच्या निषेधार्थ आंबेडकरी युवक घटनेच्या वतीने कँडल मार्चचे बुधवार दि.30 सप्टेंबर रोजी आयोजन केले होते.यासाठी आजाद समाज पार्टीचे राज्य प्रमुख राहुल प्रधान यांनी हाक दिली होती.या आंदोलनात शेकडो आंबेडकरी युवक सहभागी झाले होते.यावेळी युवकांनी योगी आदित्यनाथ यांच्या प्रतिकात्मक पुतळ्याचे दहन केले.