सीईओ वर्षा ठाकूर यांच्या पुढाकारामुळे सौंदर्यात भर

नांदेड,बातमी24:-नांदेड जिल्हा परिषदेच्या इतिहासात महिला सीईओ होण्याचा मान दुसरा बहुमान सनदी अधिकारी वर्षा ठाकूर यांना मिळाला आहे. सुंदर माझे कार्यालय या उपक्रमात पुढाकर घेत जिल्हा परिषदमधील सर्व विभागासह सोळा पंचायत समिती कार्यालयाचे रुपडे बदलून टाकले आहे. माझे कार्यालय सुंदर कार्यालय अंतर्गत कार्यालय परिसर व कार्यालयामधील नीटनेटकेपणामुले कार्यालयाच्या सुंदरतेत भर पडली आहे.

सनदी अधिकारी म्हणून वर्षा ठाकूर यांनी जिल्हा परिषदेच्या विभाग प्रमुखासह कर्मचारी यांना कडक शिस्तीचे पाठ गिरवायला भाग पाडले,वेळेचे बंधन अनिवार्य केले असताना संचिका सुद्धा मुदतीत निकाली काढण्याचा कटाक्ष सर्वांना घालून दिला आहे.

माझे कार्यालय सुंदर कार्यालय या उपक्रमाच्या माध्यमातून सीईओ कार्यालयास निसर्ग सौदर्य असलेली रंगरंगोटी केली.इतर सर्व   विभाग यात आरोग्य विभाग काम चांगले झाले आहे.महिला व बालकल्याणची स्वतंत्र इमारत आहे,या इमारतीच्या भिंती बोलक्या झाल्या आहेत.कृषी विभाग ही कात टाकत आहे.

नांदेड जिल्हा परिषदसह जिल्ह्यातील सोळा पंचायत समिती कार्यालय व त्या अंतर्गत येणारे विभाग सुध्दा सजावटीने चांगले दिसू लागले आहेत.यात सुरुवातीला झाड कुंडी,येणाऱ्याचे स्वागत करते,असे चित्र दर्शवून जाते, भीतीवरील रंगरंगोटी संवाद साधत असतात.त्यामुळे अधिकारी व कर्मचारी प्रसन्न वातावरण काम करत असल्याचे बघायला मिळत आहे.सुंदर कार्यालय तयार झाली आहेत,यापुढील काळात गतिमान कारभारास गती देण्यासाठी अधिकारी वर्गाने प्रयत्नशील राहिले पाहिजे, तशा सूचना अधिकारी यांना दिल्या जात असून यात बराच सुधार झाल्याचे  वर्षा ठाकूर यांनी सांगितले