पित्यासह दोन मुली वाचल्या तर आई गेली वाहून; सहस्त्रकुंड धबधबा येथील घटना

किनवट, बातमी24ः सहस्त्रकुंड धबधबा पाहण्यासाठी आलेल्या एका कुटुंबातील चार जण वाहून गेले होते. यात दोन मुली व तिचे वडिल पाण्यातून बाहेर आले. मात्र महिला पाण्यात वाहून गेली. उशिरापर्यंत मृतदेह आढळून आला नाही. ही घटना शनिवार दि. 10 ऑक्टोंबर रोजी घडली.काही दिवसांपूर्वी एकाच घरातील पाच जणांनी या धबधब्यात जलसमाधी घेतल्याचे घटना घडली होती.

झारखंड राज्यातील संतोष कुमार हे यवतमाळ येथील पंजाब नॅशनल बँकेमध्ये कलर्क या पदावर कार्यरत आहे. ते आज सहकुटुंब सहस्त्रकुंड धबधबा पाहण्यासाठी आले असता, धबधब्याच्या वरील बाजूस पाय धुण्यासाठी नदीमध्ये गेले असता अचानक पाण्याचा प्रवाह वाढल्याने संतोष कुमार (पती) ममता कुमार (पत्नी) व दोन मुलीसह ते नदीमध्ये अडकले.

या कुटुंबाला बाहेर काढण्यासाठी मुरली येथिल संतोष राठोड या तरूणाने शर्यतीचे प्रयत्न करत बाहेर काढत असताना ममता कुमार (वय. 40 वर्षे) पाण्याच्या प्रवाहात वाहून गेल्याची घटना विदर्भातील उमरखेड मुरली साईट कडून घडली आहे. सहस्त्रकुंड धबधबा येथे कर्तव्यावर असलेल्या पोलीसाना माहिती कळताच साळवे,राचेलवार, गंगुबाई नार्तावार यांनी विदर्भ साईटकडे जाऊन शोधाशोध घेतला. मात्र मृतदेह मिळून आला नाही.