लॉकडाउनच्या आदेशात सुधारणा

नांदेड,बातमी24:- कोरोनाच्या संसर्गाला आळा घालण्यासाठी कडक असा लोकडाउन करण्यात आले होते. मात्र रुग्ण संख्या वाढत असली,तरी नियम हळूहळूवारपणे शिथिल करावे लागत आहेत.त्यामुळे पूर्वी सकाळी सात ते सायंकाळी पाच वाजेपर्यंत देण्यात आलेली मुभा यात दुरुस्ती करण्यात आली,असून आता सायंकाळी सात वाजेपर्यंत वेळ वाढवून देण्यात आला आहे.

कोरोनाच्या रुग्णाची संख्या जिल्ह्यात जवळपास साडेतीन हजार झाली आहे,तर 120 जणांचा कोरोनामुळे मृत्यू झाला आहे. मात्र लोकांची मागणी व रोजगाराची परिस्थिती पाहता टाळेबंदीमध्ये शिथिलता आणणे महत्वाचे ठरत आहे.त्यामुळे जिल्हाधिकारी डॉ.विपीन इटनकर यांनी पूर्वी सकाळी सात ते सायंकाळी पाच वाजेपर्यंत असणारी मुभा व त्यानंतर लॉकडाउन असा नियम होता.यात सुधारणा करण्यात आली,असून सुधारित आदेशानुसार दोन तास वाढवून देण्यात आले आहेत. मात्र शनिवार व रविवारी लोकडाउन असणार आहे, असे आदेशात नमूद करण्यात आले आहे.