देवस्थानाच्या कामात लाच खाणारा जाळ्यात

नांदेड,बातमी24:-बिलोली तालुक्यातील गागलेगाव येथील तलाठी विजयकुमार गोपाळराव कुलकर्णी याने श्रीकृष्ण देवस्थानच्या दान जमिनीची सात बाऱ्यावर नोंद घेण्यासाठी लाच घेतल्या प्रकरणी अटक करण्यात आली,ही कारवाई लाचलुचपत प्रतिबंधक विभागाने गुरुवार दि.27 रोजी केली.

आरोपी विजयकुमार याने फिर्यादीकडून दान जमीनीच सात बारा करून देण्यासाठी 15 हजार रुपयांची मागणी केली होती.यातील दहा हजार रुपये दि.18 रोजीच घेतले होते.उरलेले पाच हजार मागणी करून यात तडजोडीअंती चार हजार घेताना रंगेहात पकडण्यात आले.ही कारवाई राजेश पुरी,संतोष शेट्टे, एकनाथ गगतिर्थ,गणेश केजकर,नरेंद्र बोडके यांच्या पथकाने केली.