चांगले दिग्रसकर बिघडून गेले अन बिघडलेले सोनटक्के पुन्हा आले

जयपाल वाघमारे
नांदेड,बातमी24:- जिल्हा परिषदमध्ये सर्वाधिक बदनामीकारक चर्चा ही समाजकल्याण विभागाची होत असते,परंतु तसे नव्हे,सर्वाधिक भ्रष्टाचाराची लंका शिक्षण विभाग असून येथे अनिमिततेचा कायम महापूर येत असतो.येथील माध्यमिक असो प्राथमिक शिक्षणाधिकारी हे सर्वाधिक आवक काढण्यात सराईत असतात. सुरुवातीला सेवानिष्ठा दाखविणारे हळूहळू मेवा खाण्यासाठीच स्वाक्षरी वापरतात.असाच अनुभव जिल्ह्यातील शाळा संस्थाचालकांना बदलीने लातूर येथे गेलेल्या प्रशांत दिग्रसरकर यांच्या बाबत आला. यापूर्वी वादग्रस्त ठरलेले संदीप सोनटक्के यांनी पुन्हा नांदेड वापसी केली आहे.त्यामुळे चांगले दिग्रसकर बिघडून गेले अन बिघडलेले सोनटक्के पुन्हा आले आहे. अशी  चर्चा सुरू झाली आहे.

नांदेड जिल्हा परिषद शिक्षण विभागास ते माध्यमिक असो की प्राथमिक कोणत्याच शिक्षणाधिकाऱ्याने पदास साजेस काम केले नाही.ग्रामीण भागातील लेकरांच्या शिक्षणाचा दर्जा वाढविण्याकडे लक्ष न देता खासगी संस्था व शिक्षकांचे न होणारे कामेच करण्यात धन्यता मानली.त्यामुळेच ग्रामीण भागातील जिल्हा परिषद शाळेचा ऱ्हास झाला तो आज जिल्हा परिषद मधील शिक्षक अतिरिक्त ठरण्याकडे गेला आहे.यास शिक्षक व त्या विभागाचे प्रमुख असलेले शिक्षणाधिकारी जबाबदार ठरतात.सुरुवातीला खासगी अनुदानित शाळेसाठी काम केलेले शिक्षणाधिकारी आता इंग्रजी शाळांना खतपाणी घालत सुटले आहेत.याचे फारशे सुतक शिक्षणाधिकाऱ्यांना वाटत नाही,असो विषयांतर होतंय असे ही म्हणता येणार नाही.

प्रशात दिग्रसकर हे अत्यंत चांगला व प्रामाणिक अधिकारी अशी त्यांची ओळख निर्माण झाली.मात्र पूर्ण वेळ सीईओ गेल्यानंतर दिग्रसकर यांच्या नैतिकतेचा ऱ्हास होत गेला आणि त्यांच्या वरिष्ठ नादी लागून सखे शेजारी होऊन बसले,त्यात ते बिघडून गेले ते त्यात बदनामीला कारक ठरले. सुखणीकर प्रकरणात नको तितकी बदनामी दिग्रसकर यांची होऊन गेली. फार मानहानी होण्याअगोदर दिग्रसकर यांची बदली झाली ते योग्य झाले म्हणावे लागेल.

दिग्रसकर यांच्या जागी संदीप सोनटक्के हे येणार आहेत. सोनटक्के यांची मोठी बदनामी जिल्हा परिषदमध्ये झाली.तत्कालीन सीईओ अशोक शिनगारे यांनी सोनटक्के यांना सक्तीच्या रजेवर पाठविले होते.त्यांच्या काळातील चौकशा अजून अपूर्ण आहेत.तेच नांदेडला शिक्षणाधिकारी म्हणून बदलीने आल्याने जिल्हा परिषद सदस्य हे पार नाराज झाले आहेत.या बदली विरोधात आवाज उठविणार असल्याचे जिल्हा परिषद सदस्य साहेबराव धनगे यांनी इशारा दिला आहे.