चौविस तासानंतर अधिष्ठाता डॉ.जाधव यांचा मृतदेह सापडला

नांदेड, बातमी24ः स्वामी रामानंद तीर्थ मराठवाडा विद्यापीठाचे मानवविज्ञान विद्या शाखेचे अधिष्ठाता डॉ. भगवान एस. जाधव हे विष्णुपुरी जलाशय येथे पोहण्यासाठी गेले असता, ते पाण्यात बुडाले होते. कालपासून शोध सुरु होता.मंगळवार दि. 6 रोजी सकाळी जलरक्षकांनी मृतदेह शोधून काढला.

डॉ. भगवान जाधव हे नेहमी काळेश्वर येथील जलाशयात पोहायला जात होते. सोमवार त्यांनी पाण्यात उडी मारली, असता ते बाहेर आलेच नाही. जलरक्षकांकडून काल सायंकाळी उशिरापर्यंत शोध सुरुच होता. रात्री शोध मोहिम थांबल्यानंतर सकाळी शोध मोहीम सुरु करण्यात आली, असता आठ वाजेच्या सुमारास मृतदेह आढळून आला. त्यांच्या पश्चातत आई, पत्नी, दोन मुले असा परिवार आहे.