कोरोना हजारी पार तर मृत्यूचे अर्धशतक

नांदेड, बातमीः 24ः– कोरोनाच्या रुग्णांच्या आकडेवारी तीन महिन्यांच्या काळात एक हजार रुग्णांचा पल्ला गाठला आहे. तीन महिन्यांपूर्वी अर्थात दि. 22 एप्रिल रोजी नांदेड जिल्ह्यात पहिला कोरोनाचा रुग्णा पीरबुर्‍हाण नगर भागात सापडला होता. तर मृत्यूचा आकडयाने सुद्धा अर्धशतक पूर्ण केले आहे.

चार दिवसांपूर्वी कोरोनाच्या रुग्णांच्या संख्येने 94 आकडा गाठला होता. त्यानंतर रुग्ण संख्या दिवसेंदिवस कमी होत चालली आहे. त्यानंतर 65, 51 व मंगळवारी 32 रुग्ण कोरेाना पॉझिटीव्ह आले आहेत.आज रोजी 134 अहवाल तपासण्यात आले. यामध्ये 97 अहवाल निगेटीव्ह तर 32 पॉझिटीव्ह आले आहेत. त्यामुळे कोरेानाच्या रुग्णांची संख्या 1 हजार 18 इतकी झाली आहे. तर नांदेड शहरातील आंबेडकर नगर भागात राहणार्‍या एका 27 वर्षीय तरूणाचा कोरोनाच्या संसर्गामुळे मृत्यू झाला आहे.

जिल्ह्यात विविध शासकीय रुग्णालय व कोविड सेंटर येथे उपचार घेणार्‍या 40 रुग्णांना डिस्चार्ज देण्यात आला आहे. यामध्ये मुखेड 01, विष्णपुरी शासकीय रुग्णालय 01,बिलोली 03,पंजाब भवन 08,हदगाव 02, मुदेखड 05, देगलूर 05, असे चाळीस रुग्ण असून आतापर्यंत डिस्चार्ज दिलेल्या रुग्णांची सख्या 555 झाली आहे. तर उपचार घेत असलेले रुग्ण हे 411 झाले आहेत.