नांदेड-नागपूर बस पुराच्या पाण्यात गेली वाहून;उमरखेडजवळील घटना

नांदेड, बातमी24: नांदेड ते नागपूर ही बस उमरखेड जवळील दहागाव येथील नाल्याच्या पुलावरून वाहून गेल्याची घटना सकाळी नऊ वाजेच्या सुमारास घडली.या बसमध्ये एकूण दहा प्रवासी होते.यातील काहींचे प्राण वाचले तर काही जण वाहून गेल्याचे येथील प्रत्यक्षदर्शीकडून सांगण्यात आले.

नागपूर आगाराची बस एम एच 14 बी टी 7018 नांदेड येथून पहाटे पाच वाजता निघाली,हदगाव,उमरखेड मार्गे नागपूरकडे जात असताना दहागाव येथील नाल्यावरून पुराचे पाणी दुतोंडी भरून वाहत होते.यावेळी बस घेऊन जाऊ नका असे नदी काठी उभा राहिलेल्या तरुणांनी सांगितले.मात्र चालकाने याकडे दुर्लक्ष केले.परिणामी पुढे बस नदी पात्रात बुडाली.यात पाच जणांचे प्राण वाचले असल्याचे सांगण्यात येत आहे.