मालमत्तेच्या वादातून एकाच कुटूंबातील पाच जणांची आत्महत्या

नांदेड,बातमी24:- कौटूंबिक संपत्तीच्या वादातून एकाच कुटूंबातील पाच जणांना सस्त्रकुंड धबधब्यात उडी मारून आत्महत्या केल्याची घटना गुरुवार दि.1 ऑक्टोबर रोजी उघडकीस आली,आत्महत्या करणारे सर्व जण हे हदगाव येथील आहेत.

हदगाव येथील किराणा व्यापारी भगवान कवानकर यांच्या घरात संपत्तीवरुन वाद सुरू होता. या वादावरून मानसिक तणावात आलेल्या प्रवीण भगवानराव कवानकर(42),पत्नी आश्विनी प्रवीण कवानकर(38), मुलगी सेजल कवानकर(20),मुलगी समीक्षा प्रवीण कवानकर(14) व मुलगा सिद्धेश(13) यांनी यवतमाळ जिल्ह्यातील मुरली येथील सहस्त्रकुंड धबधबा येथील पात्रात उडी मारून आत्महत्या केली.

मयत प्रवीण कवानकर यांचे प्रेत इसलापूर येथील पात्रात आढळून आहे,तर मुलगा सिद्धेश व मुलगी आश्विनी यांचा मृतदेह दराटी पात्रात मिळून आला,अद्याप पत्नी एका मुलीच्या मृतदेह आढळून आला नसल्याचे सांगण्यात येत आहे.