तुकाराम मुंडे यांना नागपूर येथून हलविले

मुंबई, बातमी24ः नागपुर महानगर पालिकेचे आयुक्त तुकाराम मुंडे यांची बदलीचे आदेश अखेर बुधवार दि. 26 ऑगस्ट रोजी निघाले. ते बदलीने महाराष्ट्र जीवन प्राधिकरणचे सचिव म्हणून मुंबई येथे जाणार आहेत.

नागपुर महापालिका आयुक्त म्हणून तुकाराम मुंडे यांनी धडाकेबाज निर्णय घेत सत्ताधार्‍यांसह प्रशासनावर वचक निर्माण केला होता. त्याचशिवाय शहराअंतर्गत शिस्त लावण्याचे काम केले होते. त्यामुळे सत्ताधारी भाजप पदाधिकारी व नगरसेवकांविरुद्ध मोठे वाद निर्माण झाले होते. मुंडे यांची बदली करण्यात यावी, यासाठी भाजपकडून मोठा दबाव निर्माण केला होता. तर काँग्रेसकडून तुकाराम मुंडे यांचे समर्थन केले जाऊ लागले होते.

दरम्यानच्या काळात तुकाराम मुंडे यांची पाठराखण मुख्यमंत्री उद्धव ठाकरे यांनी सुद्धा केली होती. परंतु बुधवारी तुकाराम मुंडे यांच्यासह इतर काही सनदी अधिकार्‍यांच्या बदल्यांचे आदेश प्राप्त झाले आहेत. ते महाराष्ट्र जीवन प्राधिकरणचे सचिव म्हणून बदलीने जाणार आहेत.