जिल्ह्यातून दहा हजार पत्रे शरद पवारांना जाणारः किशोर देशमुख

जिल्ह्यातून दहा हजार पत्रे शरद पवारांना जाणारः किशोर देशमुख

नांदेड, बातमी24ः श्री राम जन्म मंदिर बांधण्यास विरोध केल्याप्रकरणी भाजप युवा मोर्चा ग्रामीणच्या वतीने दहा हजार पत्रे राष्ट्रवादी काँग्रेसचे अध्यक्ष खासदार शरद पवार यांना पाठविले जाणार असून हे काम अंतिम टप्यात आले असल्याची माहिती भाजप युवा मोर्चा ग्रामीण जिल्हाध्यक्ष अ‍ॅड. किशोर देशमुख यांनी दिली.

पंतप्रधान नरेंद्र मोदी यांच्या हस्ते राममंदिराचे भूमिपुजन झाले. यावरून शरद पवार यांनी पंतप्रधान मोदी यांना लक्ष केले होते. कोरोनाच्या संकटात मंदिर उभारणी करणे गौण विषय असल्याचा मुदा लावून धरला होता. या विषयाचे भाजपने चांगले भांडवल केल्याचे बघायला मिळून जिल्ह्या-जिल्ह्यातून जय श्रीराम अशी घोषणा असणारे पत्र शरद पवार यांच्या सिलव्हर ओक या निवास्थानी पाठविणे सुरु केले आहेत.

या विषयी बोलताना अ‍ॅड. किशोर देशमुख म्हणाले, मंदिराची उभारणी केंद्र सरकारकडून होत नसून एका शिलान्यास समितीकडून होत आहे. आपणास श्रीराम मंदिराचा तिटकारा आहे, तर इकडे मुख्यमंत्री उद्धव ठाकरे हे पंढरपुरला विठ्ठलच्या दर्शनाला गेलेच ना, मग श्रीराम मंदिराला विरोध करणे गैर असल्याचे अ‍ॅड. देशमुख यांनी सांगितले. या संदर्भात प्रत्येक तालुक्यात बैठका घेण्यात आल्या आहेत. त्यानुसार दहा हजार पत्रे सिलव्हर ओक या त्यांच्या निवासस्थानी जाणार असल्याचे अ‍ॅड. देशमुख म्हणाले.