ऍड. प्रकाश आंबेडकर आज जिल्हा दौऱ्यावर:-फारुख अहेमद

नांदेड,बातमी24:- मराठवाडा पदवीधर मतदार संघाच्या निवडणूक प्रचाराच्या निमित्ताने वंचीत बहुजन आघाडीचे प्रमुख ऍड.प्रकाश आंबेडकर हे बुधवार दि.18 रोजी नांदेड जिल्ह्याच्या दौऱ्यावर येणार असल्याची माहिती पक्षाचे राज्य प्रवक्ते फारुख अहेमद यांनी दिली.

पदवीधर मतदार संघाची निवडणूक जाहीर झाली,असून वंचीतकडून प्रा.पांचाळ हे निवडणूक मैदानात उतरले आहेत.या निवडणुकीच्या पार्श्वभूमीवर ऍड.प्रकाश आंबेडकर यांच्या दौऱ्याला महत्व आले आहे.

ऍड.प्रकाश आंबेडकर वसमत मार्गे नांदेड येथे दुपारी एक वाजेच्या सुमारास आगमन होणार असून दुपारी दीड वाजता हॉटेल विसावा येथे ते माध्यमांशी संवाद साधणार आहेत,अशी माहिती राज्य प्रवक्ते फारुख अहेमद यांनी दिली.