अशोक चव्हाण यांचे नेतृत्व नाकारलेल्या माजी नगराध्यक्षाचा पुन्हा नेतृत्वावर विश्वास

नांदेड,बातमी24:-कुंडवाडीचे माजी नगराध्यक्ष व ज्येष्ठ नेते डॉ.सायन्ना शेंगुलवार आपल्या असंख्य कार्यकर्त्यांसह भाजपाला जय श्री राम करत राज्याचे नेते व जिल्ह्याचे पालकमंत्री अशोक चव्हाण यांच्या नेतृत्वावर विश्वास ठेवून पुन्हा एकदा स्वगृही परतले आहेत. काही वर्षांपूर्वी त्यांनी काँग्रेसला रामराम ठोकत भाजचा झेंडा खांद्यावर घेतला होता.

माजी नगराध्यक्ष राहिलेले डॉ.सायन्ना शेंगुलवार हे एक जनाधार असलेला उच्च विद्याविभुषित राजकीय नेता म्हणून त्यांची ओळख आहे. दरम्यानच्या काळात कांही स्थानिक कारणामुळे त्यांनी भाजपामध्ये प्रवेश केला होता. परंतु ते या पक्षात ते फार काळ रमले नाहीत. त्यामुळे त्यांनी भाजपाला अखेरचा जय श्री राम केला व काँग्रेस पक्षात प्रवेश केला.
विधान परिषदेतील काँग्रेसचे प्रतोद आ.अमरनाथ राजुरकर यांच्या उपस्थितीत प्रवेश झाला. यावेळी बिलोली तालुका काँग्रेस कमिटीचे अध्यक्ष शिवाजी पाटील पाचपिंपळीकर, मनपाचे सभागृह नेते सरदार विरेंदसिंघ गाडीवाले, नगरसेवक विजय येवनकर, मजुर फेडरेशनचे चेअरमन लक्ष्मीकांत गोणे, कुंडलवाडी चे नगरसेवक शेख मुख्त्यार, माजी नगरसेवक राजु पोतनकर, शहराध्यक्ष प्रदिप अंबेकर, भीम पोतनकर आदिंची उपस्थिती होती.