लेखाधिकाऱ्यांच्या अजब मागणीची जिल्हाभरात चर्चा

 

जयपाल वाघमारे

नांदेड,बातमी24:- कोण काय मागणी करेल यांचा नेम नसतो,त्यातली त्यात सामान्य माणसाने मागणी केली,तर त्याचे नववल वाटत नसते,परंतु प्रशासनातील जबाबदार एका अधिकाऱ्याने अजब मागणी करून प्रशासनात खळबळ उडवून दिली आहे.

जिल्हाधिकारी कार्यालयातील रोजगार हमी योजनेचे सहाययक लेखाधिकारी सतीश पंजाबराव देशमुख यांनी पाठीचा त्रास होत असल्याचे कारण पुढे केले आहे. देशमुख यांना दुचाकी चालविणे त्रासदायक होत आहे.त्यामुळे या देशमुख यांनी कार्यालयात घोडा घेऊन येण्याचा निर्णय घेतला आहे.

कार्यालायत घोडा घेऊन आलो तर घोडा ठेवण्यासाठी जागा उपलब्ध करून देण्याची मागणी केली आहे. पाठीचा त्रास,त्यात दुचाकीवर येण्यास होत असलेला त्रास पाहता, या महाशयांना घोड्यावर येणे सोयीस्कर वाटत आहे.त्यामुळे जिल्हाधिकारी कार्यालयात घोडा बांधण्यासाठी परवानगी मागितली आहे.
21 व्या शतकात आरामदायी गाड्याचे प्रयोग रोज होत असतात.अशा माणूस त्रास होतच असल्यास नवीन गाडी घेऊ शकेल,परंतु घोड्यावर येण्याचा बेत आखला असून घोडा दिवसभर बांधून ठेवण्यासाठी जागा आरक्षित करून देण्याची मागणी करून एकच खळबळ उडवून दिली आहे.प्रशासन परवानगी देणार का याकडे आता लक्ष लागले आहे.