नांदेड, बातमी24ः शहरातील विमानतळ पोलिस ठाण्याच्या हद्दीतील गाडेगाव रोडवर गोळीबार झाल्याची घटना तासाभरापूर्वी घडली आहे. यात काही जण जखमी झाले आहे. या प्रकरणी शहराबाहेर व शहरातील मुख्य रस्त्यांवर नाकेबंदी लावण्यात आली, असून पोलिसांकडून प्रत्येक गाडीचा कसून चौकशी केली जात आहे. या गोळीबाराच्या घटनेने नांदेड शहर पुन्हा हादरले आहे.
गाडेगाव रोडवरील रेल्वे फ ाटकावर जवळ रात्री साडे नऊ वाजेच्या सुमारास गोळीबार झाला. घटनास्थळी पादत्राणे व रक्त सांडल्याचे दिसून आले. मात्र गोळीबार कोण केला. कोण जखमी झाली, घटना कशामुळे घडली. याबाबत अद्याप माहिती मिळू शकली नसून पोलिस घटनास्थळी पोहचले आहेत.मात्र खबरदारीची उपाययोजना म्हणून शहरातील प्रत्येक भागात नाकेबंदी करण्यात आली आहे. या प्रकरणी तपास सुरु केला असल्याची माहिती विमातळ पोलिस ठाण्याचे पोलिस निरीक्षक ननावरे यांनी दिली.
