नांदेड, बातमी24ः जिल्हाधिकारी विपीन इटनकर यांना कोरोनाची लागण झाल्यानंतर त्यांनी शासकीय रुग्णालयात उपचार सुरु केले होते. दहा दिवसांच्या उपचारानंतर ते घरी परतले आहेत.
नांदेडमधील बहुतांशी बडया राजकारण्यांना कोरोनाची लागण झाली. त्यात ते बरे होऊन कामाला ही लागले आहेत. यामध्ये सार्वजनिक बांधकाममंत्री तथा जिल्ह्याचे पालकमंत्री अशोक चव्हाण, खासदार प्रताप पाटील चिखलीकर यांच्यासह काही आमदार मंडळींचा सुद्धा समावेश होता. या बडया नेत्यांनी कोरोनावर मात केली आहे.
मागच्या आठवडयात जिल्हाधिकारी डॉ. विपीन इटनकर यांना सुद्धा कोरोनाची बाधा झाली होती. मात्र त्यांनी खासगी किंवा मुंबई व औरंगाबाद हे उपचारासाठी गाठले नाही. नांदेड येथील शासकीय रुग्णालयात उपचार घेऊन बरे झाले आहेत. डॉ. इटनकर यांना गुरुवार दि. 10 रोजी डिस्चार्ज देण्यात आला आहे. या वेळी जिल्हा शल्य चिकित्सक डॉ. निळकंट भोसीकर यांनी पुष्पगुच्छ देऊन स्वागत केले.
