नांदेड, बातमी24:- भारतातील सर्वाधिक खपाचे व आंतरराष्ट्रीय दर्जाचे असलेल्या आऊटलूक या इंग्रजी मासिकाने डॉ.बाबासाहेब आंबेडकर यांच्या जयंती निमित्त देशातील 50 प्रतिभावंत दलित व्यक्तींच्या कार्यावर प्रकाश टाकणारे लिखाण प्रसिद्ध केले आहे.यामध्ये नांदेडमधील आंबेडकरी तरुणांना एकत्र करून दलित समाजातील अन्याय व अत्याचार यास वाचा फोडणारा वेळेप्रसंगी तीव्र आंदोलन छेडणाऱ्या युवकांच्या कार्याची दखल घेतली आहे.
देशातील दलित समाजातील 50 आयकॉन असलेल्या व्यक्तिमत्वाची त्यांच्या जीवनावर आधारीत कव्हर स्टोरीजला स्थान दिले आहे.या अंक 26 एप्रिल रोजी प्रकाशित होणार आहे. यामध्ये आझाद समाज पक्षाचे राज्याचे प्रमुख म्हणून काम करणारा आंबेडकरी तरुणाईमधील उधाचे राजकीय व सामाजिक भविष्य म्हणून ज्याकडे संबंध महाराष्ट्रभरातून पाहिले जाते,ते राहुल प्रधान यांच्या नावाचा सुद्धा समावेश आहे.
याचसोबत देशातील अनेक प्रसिद्ध चेहरे असून कबाली आणि काला चित्रपटाचे दिग्दर्शक पा.रंजित, ज्येष्ठ विनोदी अभिनेते जॉनी लीव्हर, दिग्दर्शक नागराज मंजुळे, गोल्डन गर्ल हिमा दास, राधिका वेमुला (रोहित वेमुलाची आई) कडुबाई खरात, विनोद कांबळी यांच्यासह पत्रकार, साहित्यिक, राजकारण, क्रीडा, चित्रपट, शैक्षणिक क्षेत्रातील दिग्गज व्यक्तींचा यामध्ये समावेश आहे. याचसोबत राहुल प्रधान यांची स्पेशल स्टोरी या मॅगझीनमध्ये वाचण्यास मिळणार आहे.
आंतरराष्ट्रीय दर्जाचे मासिक असलेल्या ‘आऊटलूक’ने नांदेडच्या राहुल प्रधान या युवकांचे सामाजिक कार्याला स्थान दिले आहे.मागच्या अनेक वर्षांपासून ते युवा पँथर नावाची सामाजिक संघटना चालवित. मधल्या काळात त्यांनी आझाद समाज पक्षात प्रवेश केला,त्यांच्याकडे चंद्रशेखर आझाद यांनी राज्याची जबाबदारी सोपविली आहे.
या मॅगझीनच्या 50 प्रतिभावंत दलित व्यक्तींमध्ये समावेश केल्याबद्दल राहुल प्रधान यांनी या मॅगझीनचे आभार व्यक्त करत अधिक उमेदीने चळवळीचे काम करण्याची ताकद लाभल्याचे सांगितले.
