नांदेड, बातमी24ः मागच्या चौविस तासांच्या आत सात जणांनाचा मृत्यू कोरोनाच्या संसर्गामुळे झाल्याची माहिती समोर आली आहे. त्यामुळे जिल्ह्यातील कोरोनामुळे मृत्यू पावलेल्या रुग्णांची संख्या 129 झाली आहे.
यामध्ये नांदेड तालुक्यतील धनेगाव येथील 53 वर्षीय महिलेचा दि. 12 ऑगस्ट रोजी रात्री आठ वाजता मृत्यू झाला. या महिलेस दि. 7 ऑगस्ट रोजी रुग्णालयात दाखल करण्यात आले होते.नाईक नगर भागात राहणार्‍या 78 वर्षीय पुरुषाचा दि. 12 ऑगस्ट रोजी सायंकाळी सहा वाजेच्या सुमारास मृत्यू झाला. नंदीग्राम सोसायटीमधील 53 वर्षीय पुरुषाचा दि. 13 रोजी मृत्यू झाला. वजिराबाद भागातील 58 वर्षीय पुरुषाचा दि. 13 ऑगस्ट रोजी मृत्यू झाला.
नायगाव येथील 65 वर्षीय व्यापार्‍याचा एका खासगी रुग्णालयात दि. 13 ऑगस्ट रोजी मृत्यू झाला.मुखेड येथील 60 वर्षीय पुरुषाचा दि. 13 ऑगस्ट रोजी मृत्यू झाला, तर हिंगोली जिल्ह्यातील वसमत येथील एका रुग्णास सुट्टी देण्यात आली होती. परंतु त्रास जाणवत असल्याने रुग्णालयात दाखल करण्यात आले होते. मात्र या रुग्णांचा दि. 13 ऑगस्ट रोजी मृत्यू झाला. मागच्या चौविस तासांमध्ये कोरोनामुळे मृत्यू पावलेल्या रुग्णांची संख्या 7 तर आतापर्यंत 129 झाली आहे.
