नांदेड, बातमी24:- कर्करोगासंदर्भात ग्रामीण भागात करण्यात आलेल्या जनजागृतीचा सकारात्मक परिणाम दिसून आला. या अभियानाची दखल देशपातळीवर घेण्यात आली, असून मोहिमेला देशपातळीवरील डिस्ट्रीक्ट गव्हर्नन्सचा स्कोच अर्वाड देवून गौरव केला आहे. हे अभियान राबवण्यिासाठी तत्कालीन जिल्हाहिधकारी अरूण डोंगरे यांनी परिश्रम घेत हे अभियान गावा-गावात पोहचविले होते.
कर्करोग आजारासंदर्भात लक्षणे दिसताच तात्काळ तपासणी करुन घ्यावी, यासाठी तत्कालीन जिल्हाधिकारी अरुण डोंगरे यांच्या मार्गदर्शनाखाली एक विशेष मोहिम हाती घेतली होती. जिल्ह्यातील बाराशे खेड्यांमध्ये 1 हजार 500 आशा कार्यकर्ती यांना विशेष प्रशिक्षण देण्यात आले होते. या मोहिमेच्या माध्यमातून जिल्हयातील 25 लाख लोकांना स्क्रीनिंगच्या कार्यकक्षेत घेता आले.
या जनजागृती अभियानामुळे 12 हजार लोकांमध्ये प्राथमिक लक्षणे दिसून आले. अशा रुग्णांना वेळेत उपचार मिळू शकले. त्यामुळे असे रुग्ण हे कोरोनातून मुक्त किंवा उपचारामुळे आजाराविरुद्ध लढा देत आहेत.जिल्हा नियोजन समितीच्या नाविन्यपूर्ण योजनेंतर्गत ही मोहिम राबविली गेली.
अत्यंत शिस्तबद्ध पद्धतीने संपूर्ण जिल्हाभर राबविल्या गेलेल्या या उपक्रमाला राष्ट्रीय पातळीवर गुड गव्हर्नन्ससाठी मान्यता प्राप्त असलेल्या स्कोच अर्वाडसाठी नामांकन दाखल केले होते. यानंतर सदर संस्थेने अखिल भारतीय पातळीवरील नवीन दिल्ली येथे या वर्षाच्या जानेवारी महिन्यात एक मोठी परिषद घेऊन प्रत्येक नामांकन सादर करणार्या जिल्हा प्रमुखांना सादरीकरण करण्यास सांगितले होते.
यात नांदेड जिल्ह्याचे सादरीकरण निवासी उपजिल्हाधिकारी डॉ. सचिन खल्लाळ यांनी करुन संपूर्ण जिल्ह्याचा सप्रमाण आराखडा ठेवला होता. नांदेड जिल्ह्यात राबविण्यात आलेल्या या मोहिमेच्या माहितीने देशभरातील तज्ज्ञ भारावून गेले हेाते. त्यामुळे नांदेड जिल्ह्याला अखिल भारतीय पातळीवरील हा डिस्ट्रीक्ट गव्हर्नन्सचा स्कोच अर्वाड देवून गौरव केला.
