नांदेड, बातमी24ः युपीएससी परीक्षेचा अंतिम निकाला नुकताच जाहीर झाला आहे. या परीक्षेत नायगाव तालुक्यातील शेळगाव गौरी येथील योगेश बावणे यांनी यश संपादन केले. यानिमित्ताने योगेश बावणे यांचा जिल्हा परिषद महिला व बालकल्याण सभापती सुशीला बेटमोगरेकर यांच्या दालनात जिल्हा परिषदेच माजी अध्यक्ष दिलीप पाटील बेटमोगरेकर यांनी हृदयी सत्कार करून योगेश बावणे यांना पुढील वाटचालीसाठी भरभरून शुभेच्छा दिल्या.
जिल्हा परिषद शिक्षक अशोब बावणे यांचे सुपुत्र असलेल्या योगेश बावणे यांचा जिल्हा परिषदमध्ये सत्कार आयोजित करण्यात आला होता. या वेळी महिला व बालकल्याण सभापतींच्या दालनामध्ये सत्काराचे आयोजन करण्यात आले होते. या वेळी शिक्षण सभापती संजय बेळगे, काँग्रेस तालुकाध्यक्ष अ‍ॅड. निलेश पावडे, पंचायत समिती सदस्य श्रीनिवास मोरे, शिक्षणाधिकारी प्रशांत दिग्रसकर, प्रकल्प संचालक व्ही. आर. पाटील, उपमुख्य कार्यकारी अधिकारी इंगोले, कार्यकारी अभियंता रायबोळे, बंडु आमदुरकर, अशोक बावणे, मधुकर उन्हाळे, संजय कोठाळे, भागवत पाटील आदींची उपस्थिती होती.
दिलीप पाटील बेटमोगरेकर म्हणाले, की जिल्ह्यातील भूमिपुत्रांनी युपीएससीच्या माध्यमातून जिल्ह्याचे नाव रोषण करण्याचे काम केले आहे. अशा अधिकार्‍यांकडून देशाचे व प्रशासनाचे नाव उंचावल्याशिवाय राहणार नाही, असे गौरवोद्गार काढले
