नांदेड, बातमी24ः मागच्या चौविस तासांमध्ये कोरोनाच्या दोन रुग्णांचा मृत्यू झाला तर नव्याने 114 कोरोना पॉझिटीव्ह आले आहेत. बर्‍याच दिवसानंतर कोरोनाच्या रुग्णांची संख्या घटल्याचे बघायला मिळाले.
शनिवार दि.8 ऑगस्ट रोजी 456 नमूने तपासण्यात आले. यात 293 जणांचा अहवाल निगेटीव्ह तर 114 जणांचा अहवाल कोरोना पॉझिटीव्ह आला आहे.आरटी-पीसीआर चाचणीत 92 तर अंटीजन किटव्दारे करण्यात आलेल्या अहवालात 22 जणांचा समावेश आहे. जिल्ह्यातील कोरोनोच्या रुग्णांची संख्या 3 हजार 156 इतकी झाली आहे. तसेच शनिवारी 92 जणांची कोरोनामधून सुटका झाली. आतापर्यंत 1 हजार 415 जण कोरोनाच्या संसर्गातून बरे झाले आहेत.
कालच्या तारखेत सिडको भागातील 72 वर्षीय महिलेचा तसेच अर्धाप्ाुर तालुक्यातील कासारखेडा येथील 72 वर्षीय पुरुषाचा विष्णुपुरी येथील शासकीय रुग्णालयात मृत्यू झाला. 116 जणांनी कोरोनाच्या संसर्गामुळे जीव सोडल्याची नोंद आहे. आजघडिला 1 हजार 608 जणांवर उपचा सुरु असले, तरी यातील 85 जणांची प्रकृती गंभीर असल्याचे प्रशासनाच्या वतीने कळविण्यात आले आहे.
——-
तालुकानिहाय रुग्ण संख्या
नांदेड मनपा क्षेत्र-28, अर्धापुर-2, बिलोली-1, भोकर-4, कंधार-1, नायगाव-1,लोहा-1, हिंगोली-1, यवतमाळ-1, नांदेड ग्रामीण-2, देगलूर-14, हदगाव-8, किनवट-1, मुखेड-22, उमरी-1, परभणी-3, लातूर-1 असे 92 हे आरटी-पीसीआर चाचणीत कोरोनो पॉझिटीव्ह आले.
——–
अंटीजन चाचणीचा अहवाल
नांदेड मनपा क्षेत्र-2, अर्धापुर-4, बिलोली-3, धर्माबाद-1, देगलूर-3, किनवट-2, नायगाव-4, माहूर-3 असे 22 जणांचा समावेश आहे.
