नांदेड,बातमी24: नांदेड-वाघाळा महानगरपालिकेच्या महापौर पदासाठी काँग्रेसकडून एकमेव मोहिनी विजय येवनकर यांचा तर उपमहापौर पदासाठी मसूद खान यांनी उमेदवारी अर्ज दाखल केला. काँग्रेसचे बप्पर बहुमत असल्याने निवड बिनविरोध होणार असून यासंबंधीच औपचारिक घोषणा दि. 22 रोजी होणार आहे.
महापौर पदाच्या शर्यतीत मोहिनी येवनकर व जयश्री पावडे यांच्या नावाची चर्चा सुरू होती.मात्र पालकमंत्री अशोक चव्हाण यांनी मोहिनी येवनकर यांच्या नावास हिरवाकंदिल दिला.त्यानुसार शनिवारी दुपारी महापौर पदासाठी मोहिनी येवनकर व उपमहापौर पदासाठी मसूद खान यांनी प्रत्येकी दोन अर्ज दाखल केले.ही निवड बिनविरोध होणार असून भाजपकडून कुणीही अर्ज दाखल केलेला नाही.
