नांदेड, बातमी24ः नांदेड पंचायत समिती अंतर्गत बळीरामपुर येथील ग्रामसेवकाने आठ हजार रुपयांची लाच घेतल्याप्रकरणी त्यास रंगेहात पकडण्यात आले. ही कारवाई सोमवार दि. 10 ऑगस्ट रोजी करण्यात आली.
बळीरामपुर येथील ग्रामसेवक गोविंद गुनाजी माचनवाड वय. 40 वर्षे याने तक्रारदाराकडून वाटर प्लांट टाकण्यासाठी लागणारे नाहरकत प्रमाणपत्र काढून देण्यासाठी दहा हजार रुपयांची मागणी केली होती. तडजोडीअंती माचनवाड याने आठ हजार रुपये स्विकारताना त्यास लाचलुचपत प्रतिंबधक विभागाच्या पथकाने अटक केली. ही कारवाई लाचलुचपत प्रतिबंधक विभागाचे उपाधीक्षक विजयडोंगरे यांच्यामार्गदर्शनाखाली शेषराव नितवरे,हणमंत बोरकर,किशन चिंतोरे,एकनाथ गंगातिर्थ,अनिल कदम,नरेंद्र बोडके यांच्या पथकाने केली.
