नांदेड,बातमी24:- नांदेड शहर गोळीबाराने हदरले.या गोळीबारात एक युवक जखमी झाला आहे.ही घटना जुना मोंढा परिसरातील महाराज रणजीतसिह मार्केट येथे सायंकाळी साडे पाच वाजेच्या सुमारास घडली. पोलीस अधीक्षक म्हणून नव्याने आलेल्या प्रमोदकुमार शेवाळे यांना खंडणीखोर गॅंगने आव्हान दिल्याचे बोलले जात आहे.
मागच्या महिनाभराच्या काळात नांदेड शहर शांत होते, या काळात पोलीस अधीक्षक विजयकुमार मगर यांची बदली सुद्धा झाली. त्या जागी प्रमोदकुमार शेवाळे हे रुजू झाल्याच्या पंधरा दिवसांत ही घटना घडली आहे.
रविवार दि.4 रोजी दोन दुचाकीवर आलेल्या चार आरोपींनी त्या भागातील कॉर्नरवर असलेल्या टपरी चालक आकाश परिहार यांच्या पोटाच्या उजव्या बाजूस गोळी लागून गेली.यात ते जखमी झाले.पुढील उपचारास हलविण्यात आले.या आरोपींनी त्या भागातील विजय लक्षमी ट्रेडर या कापड दुकानातील गल्यातून दरोडेखोरांनी 10 हजार रुपये हिसकावले.तसेच श्रीकृष्ण,मंगलमूर्ती व दिव्या ट्रेडर्स या दुकानावर गोळीबार करत व्यापाऱ्यात दहशत निर्माण करून आरोपी फरार झाले.मागच्या काही वर्षांमध्ये नांदेड शहरात गोळीबार,लूटमार,खंडणी व अपहराण असे प्रकार घडत आहेत. घटना घडताच पोलीस अधिकारी घटनास्थळी दाखल झाले आहे.
——–
आरोपींचा शोध सुरू:-शेवाळे
गोळीबार प्रकरणात आरपींचा शोध सुरू आहे.असे पोलीस अधीक्षक प्रमोदकुमार शेवाळे यांनी सांगितले.
