नांदेड, बातमी24:- उपचार घेत असलेल्या रुग्णांना सुविधा मिळतात की नाही याची प्रत्यक्ष पाहणी करून माहिती जाणून घेण्यासाठी जिल्हाधिकारी थेट कोविड सेंटरमध्ये जाऊन रुग्णांशी चर्चा केली. हे पाहून अनेक रुग्णांना सुखद धक्का बसला. मात्र वार्डात जाण्यापूर्वी डॉ. इटनकर यांची सुरक्षेच्या दृष्टीने पूर्णपणे काळजी घेतली. रुग्णांची प्रत्यक्ष भेट घेऊन चर्चा करणारे डॉ. इटनकर हे बहुदा पहिले राज्यातील जिल्हाधिकारी असावेत.
जिल्हाधिकारी डॉ.विपीन यांनी गुरुवार दि. 18 जून रोजी डॉ. शंकरराव चव्हाण शासकीय वैद्यकीय महाविद्यालय व रुग्णालयाच्या कोविड डेडिकेटेड सेंटर दिली. त्यांच्या समवेत अधिष्ठाता डॉ. चंद्रकांत म्हस्के, जिल्हा शल्यचिकित्सक डॉ. निळकंठ भोसीकर, वैद्यकीय अधीक्षक वाय. एच. चव्हाण, बालरोग विभागाचे सहयोगी प्राध्यापक डॉ. अरविंद चव्हाण, औषध वैद्यक शास्त्राचे प्राध्यापक डॉ. भुरके, सहयोगी प्राध्यापक डॉ. शितल राठोड हे होते.
सुविधेबाबत आढावा घेण्यासाठी डॉ. इटनकर हे आले होते. या वेळी संपूर्ण परिसराची पाहणी केली. याठिकाणी पाणी पुरवठ्याची सुविधा अधिक परिपूर्ण व्हावी यासाठी महानगरपालिकाअंतर्गत स्वतंत्र पाईपलाईनची व्यवस्था तात्काळ कशी करता येईल याचे नियोजन करण्यासाठी भेट दिली होती.
येथील कोविड डेडीकेटेड सेंटरला आपण आलोच आहोत तर प्रत्यक्ष बाधित पेशंट यांच्याशी चर्चा केल्यास नेमकी माहिती आपल्याला मिळेल म्हणून या उद्देशाने जिल्हाधिकारी डॉ. विपीन त्यांना भेटण्याचा निर्णय घेतात. या वेळी पीपीईकीट घालून सुरक्षिततेचे जे नियम आहेत. त्याचे पालन करुन ते सरळ कोविड डेडीकेटेड वार्डात जाऊन पॉझिटिव्ह पेशंटशी चर्चा करतात. या वार्डात असलेल्या 17 बाधितांबरोबर गप्पा मारल्या.
स्वत: जिल्हाधिकारी येथे येवून प्रत्यक्ष पाहणी करुन सुविधा कशा मिळतात याची सहानुभूतीने चौकशी केली. इथल्या सुविधा तुम्हाला चांगल्या वाटतात का ? काही अडचणी आहेत का ? आहार चांगला मिळतो का ? याची ते सरळ पेशंटला विचारणा केली. घाबरु नका, यातून तुम्ही शंभर टक्के बरे व्हाल असा विश्वास डॉ. विपीन यांनी रुग्णांना दिला.
