नांदेड,बातमी24: पंधरा दिवसांच्या लांबणीवर पडलेल्या पंचायती राज समितीच्या दौऱ्याच्या अनुषंगाने जिल्हा परिषद प्रशासनाकडून जोरदार तयारी सुरू आहे.दौरा लांबणीवर पडला,तरी त्या-त्या विभागातील अभिलेखे अद्यावत करण्याचे काम युद्ध पातळीवर सुरू आहे.जिल्हा परिषदेची प्रतिमा पंचायती राज समितीसमोर उंचावली पाहिजे, यासाठी मुख्य कार्यकारी अधिकारी वर्षा ठाकूर काटेकोरपणे आढावा बैठक घेत असून त्रुटी भरून काढण्यासाठी विभागप्रमुखाकडून कसून तयारी करून घेत आहेत.
राज्य शासनाची सर्वात मोठी अशी जम्बो आमदारांची पंचायती राज समिती नांदेड जिल्हा परिषदेची पाहणी करण्यासाठी दि.11,12 व 13 ऑगस्ट रोजी नांदेड जिल्ह्याच्या दौऱ्यावर येणार होती. मात्र जिल्हा परिषदेला तयारी करण्यासाठी आवधी अत्यल्प मिळत होता.त्यामुळे जिल्हा परिषदेच्या वतीने पंचायती राज समितीला विनंती करण्यात आली होती. या विनंतीला मान राखत समितीने पुढील महिन्यात दि.2,3 व 4 सप्टेंबर रोजी येणार आहे.
ही समिती सन 2016-17 च्या लेखापरीक्षण पुनर्विलोकन अहवाल यसेच 2017-18 अहवालाची तपासणी ही समिती करणार आहे. या समितीमध्ये अभ्यासू व जाणकार आमदारांचा समावेश आहे.
या समिती दौऱ्याच्या अनुषंगाने जिल्हा परिषदकडून कुठल्याही प्रकारची उणीव राहता कामा नये,अद्यावत व अचूक अहवाल समितीसमोर जायला हवा,यासाठी मुख्य कार्यकारी अधिकारी वर्षा ठाकूर यांनी अधिकाऱ्यांसमवेत मैरेथॉन आढावा बैठका घेणे सुरू केले आहे. यशदा पुणे येथील सीईओ कार्यशाळा संपताच वर्षा ठाकूर पंचायती राज समिती दौऱ्याच्या तयारीला लागल्या आहे. मंगळवारी उशिरपर्यत आढावा बैठक घेतल्यानंतर बुधवारी स्थायी समितीच्या बैठकीनंतर दुपारनंतर मल्टीपर्पज येथे आढावा सुरूच होती.विभागवार बुकलेट समोर ठेवून पॉईंट टू पॉईंट माहिती घेणे सुरू आहे.
