नांदेड, बातमी24:- जिल्ह्याच्या दौऱ्याचा पत्रकारांशी अनौपचारिक संवाद साधताना एका प्रश्नावर बोलताना आरोग्य विभागाचे कार्य समाधान कारक असल्याचे सांगत, या विभागामार्फत चालविल्या जाणाऱ्या प्राथमिक आरोग्य केंद्र व उपकेंद्रा अंतर्गत ग्रामीण भागातील रुग्णांना मिळणाऱ्या सुविधा पाहून आनंद वाटल्याची भावना पंचायत राज समिती अध्यक्ष डॉ.संजय रायमूलकर यांनी व्यक्त केली.
तीन दिवसांच्या दोऱ्यावर आलेल्या पंचायत राज समितीने ग्रामीण भागातील विविध संस्थांची पाहणी आमदारांच्या शिष्टमंडळाने काल केली होती.
पत्रकारांशी बोलताना संजय रायमूलकर म्हणाले,की ज्या भागातील प्राथमिक आरोग्य केंद्रास भेटी दिल्या असता, आरोग्याबाबत ज्या भौतिक सुविधा निर्माण केल्या गेल्या आहेत,त्यातून रुग्णांना लाभ मिळत आहे. जे काही प्राथमिक आरोग्य केंद्र अद्यावत तयार केले गेले,तसे रुग्णालय जिल्ह्यात सर्वत्र उभारले जाणे आवश्यक असल्याचे मत डॉ.रायमूलकर यांनी व्यक्त केले.
आरोग्य विभागाच्या विविध प्राथमिक आरोग्य केंद्र अंतर्गत एक्सरे मशीन, रक्त तपासणी प्रयोग शाळा,शस्त्रक्रिया विभाग याची कामे अद्यावत झाली आहेत.ही कामे पंचायत राज समितीच्या निर्देशनास आली.त्यामुळे पंचायत राज समिती अध्यक्ष डॉ.संजय रायमूलकर यांनी आरोग्य विभागाचे भरभरून कौतुक केले.इतर सर्व विभागाच्या तुलनेत या विभागाबदल सकारात्मक दृष्टीकोन दाखविल्याचे दिसून आले.
