नांदेड, बातमी24:- पुढील महिण्यात होऊ घातलेल्या श्री क्षेत्र माळेगाव यात्रेबाबत जिल्हा परिषदेचे लोकप्रतिनिधी यात्रा भरावी,यासाठी आग्रही असलेली तरी, प्रशासनासमोर कोरोनाच्या नव्या विषाणूचे संकट आ वासून बसले आहे. या सगळ्या संकटाचा विचार करता जिल्हा परिषद अध्यक्ष मंगाराणी अंबुलगेकर यांनी समंजसपणाची भूमिका घेत कोरोना आपत्ती बाबत असलेले सर्व निर्बंधाचे पालन करून पाणी व विजेची सुविधा दिली जाईल,त्याचसोबत देवस्वारी व मानकरी यांचा सन्मान-सत्कार होणार असल्याचे सौ.अंबुलगेकर यांनी सांगितले.
जिल्हा परिषद स्थायी समिती बैठक बुधवारी दुपारी त्यांच्या निजीकक्षात झाली. यावेळी जिल्हा परिषद सदस्य प्रवीण पाटील चिखलीकर यांनी माळेगाव यात्रा भरविण्यासंदर्भात सर्वसाधारण सभेतील चर्चेची आठवण करून दिली. यावर काही पदाधिकारी यांनी चिखलीकर यांच्या सुरात सूर मिसळण्याचा प्रयत्न केला. यावरून वातावरण गरम झाले होते.मात्र कोरोनाच्या संभाव्य धोका तसेच जनावरांना झालेली लागण पाहता, यात्रा भरविणे संकट ओढाऊन घेण्यासारखे होईल,अशी भूमिका प्रशासनाने घेतली,ही भूमिका एका बाजूने रास्त असून तसे अहवाल पशु व आरोग्य विभागाने दिले असल्याचे मंगाराणी अंबुलगेकर यांनी कळविले.
या उपर तरी प्रवीण पाटील चिखलीकर हे आग्रही असल्याचे दिसून आले. जिल्हाधिकारी डॉ.विपीन इटनकर यांनी जे आदेश दिले,यात काही सुधारणा किंवा बदल होतील का याबाबत समिती सर्व सदस्य पदाधिकारी असे शिष्टमंडळ जिल्हाधिकारी डॉ.इटनकर यांच्या भेटीस गेले. या निरबंधात कुठलाही बद्दल होणार नसून भाविक दर्शनासाठी येऊ शकतील,मात्र कोरोनाच्या सर्व नियमांचे पालन करावे लागेल, पारंपरिक देवस्वारी होईल,परंतु सांस्कृतिक असे कोणतेही काहीही कार्यक्रम घेता येणार नसल्याची बाब त्यांनी निदर्शनास आणून दिली.
ही बाब पदाधिकारी यांना ही अमान्य नव्हती.त्यामुळे पदाधिकारी,त्यातली त्यात जिल्हा परिषद अध्यक्ष मंगाराणी अंबुलगेकर यांनी सगळ्या संकटाबाबत समिती सदस्य यांना अवगत करून दिले.त्यामुळे यात्रा ठिकाणी मूलभूत सुविधा देऊ, लसीकरण कॅम्प आयोजित केले जातील,पण कुठेली इतर कार्यक्रम होणार नसल्याचे सांगत यात्रेबाबत चर्चेला पूर्णविराम दिला.
