मुंबई, बातमी24ः बहुप्रतिक्षीत असलेल्या अधिकार्‍यांच्या आयएएस मानांकनाचा प्रश्न अखेर मार्गी लागला, असून राज्यातील 23 अपर जिल्हाधिकारी केडरच्या अधिकार्‍यांना आयएएस मानांकन बहाल करण्यात आले आहे. यात नांदेड जिल्ह्यातील दोन अधिकार्‍यांचा सुद्धा समावेश आहे.
23 अधिकार्‍यांना मानांकनासंबंधी दोन वर्षांपासून हलचाली सुरु होत्या. शासन दरबारी प्रश्न रेंगाळत पडला होता. यातील काही अधिकार्‍यांनी दाद मिळावी, यासाठी न्यायालयाचा दरवाजा सुद्धा ठोठावला होता. अखेर या अधिकार्‍यांच्या आयएएस नामांकनाचे आदेश गुरुवार दि. 3 सप्टेंबर रोजी निर्गमित झाले आहेत.
यात नांदेड जिल्ह्यातील डॉ. अनिल रामोड, सुधाकर तेलंग हे दोन अधिकारी नांदेड जिल्ह्यातील आहेत. तर यापूर्वी दिलीप स्वामी व शिवानंद टाकसाळे यांनी नांदेड जिल्ह्यात सेवा दिली आहे. याचसोबत आयएएस मिळालेल्या अधिकार्‍यांमध्ये यु.ए. जाधव, विजयकुमार फ ड, कान्हू भगाटे, भाऊसाहेब दांडगे, किशन जावळे, शामसुंदर पाटील, संजय चव्हाण, सिद्धाराम सालीमत, रघुनाथ गावंडे, किशोर तावडे, प्रमोद यादव, कविता दिवेदी, मंगेश मोहिते, राजेंद्र क्षीरसागर, प्रवीण पुरी, विनायक मुन, प्रदीपकुमार डांगे, वर्षा ठाकुर, सी.डी. जोशी यांचा समावेश आहे.
