नांदेड, बातमी24ः लोकनेते प्रताप पाटील चिखलीकर यांच्या वाढदिवसांनिमित्त जिल्ह्यातील आठशे पत्रकारांचा अपघात विमा काढण्यात आला, असून प्रमाणपत्र विविध दैनिकाचे कार्यालय तसेच घरपोच केले जाणार असल्याची माहिती पत्रकार तथा सामाजिक कार्यकर्ते सुनील रामदासी यांनी दिली.
दिलेल्या प्रसिद्धीपत्रकात सुनील रामदासी म्हणाले, की गत वर्षांपासून भाजपचे खासदार प्रताप पाटील चिखलीकर यांच्या वाढदिवसांनिमित्त नांदेड जिल्ह्यातील पत्रकार बांधवांचा मोफ त अपघाती विमा काढला जातो. जिवाची पर्वा न करता पत्रकार बांधव काम करत असतात, कसल्याही प्रकारचे संकट असो, ते तोंड देत चौथास्तंभ म्हणून भूमिका बजावत असतात.
अशा पत्रकारांवर अचानक अपघाती संकट कोसळल्यास त्यांना व त्यांच्या कुटुंबियांना मदतीचा हातभार लागला पाहिजे, या उद्देशाने छोटेस कार्य करण्याचा आमचा प्रयत्न आहे. लोकनेते तथा खासदार प्रताप पाटील चिखलीकर यांच्या वाढदिवसांनिमित्त पत्रकार अपघाती विमा काढण्याचा उद्देश आहे. खासदार चिखलीकर हे राजकारणापेक्षा समाजकारणाला महत्व देणारे नेतृत्व आहे. वाढदिवसानिमित्त पत्रकारांना अपघाती विमा संरक्षण देण्याचा सामाजिक प्रयत्न असल्याचे सुनील रामदासी यांनी सांगितले.
