नांदेड, बातमी24ःभाऊराव चव्हाण साखर कारखान्याने गेल्या वर्षीची थकीत एफआरपीचे प्रतिटन 500 रुपये शेतकर्यांच्या खात्यावर जमा करावी अन्यथा 15 ऑगस्ट रोजी स्वातंत्र्यदिनी पालकमंत्री तथा कारखान्याचे मुख्य प्रवर्तक नामदार अशोक चव्हाण यांच्या घरासमोर एक दिवसाचे लाक्षणिक धरणे आंदोलन करण्याचा इशारा भोकर मतदार संघातील सरपंचांनी भाऊराव चव्हाण साखर कारखान्याचे चेअरमन गणपत भाऊ तिडके व्हाईस चेअरमन प्रा कैलास दाड यांना निवेदनाद्वारे दिला.
भाऊराव चव्हाण कारखान्यांनी पाचशे रुपये देण्याची पूर्तता केली नाही. 14 ऑगस्टपर्यंत भाऊराव कारखान्यांनी गेल्यावर्षीची थकीत बाकी शेतकर्यांच्या खात्यावर जमा न केल्यास 15 ऑगस्ट रोजी स्वातंत्र्य देणे ध्वजारोहण झाल्यानंतर पालकमंत्र्यांच्या घरासमोर धरणे आंदोलन करू असा इशारा दरवाढ नियंत्रण मंडळाचे सदस्य प्रल्हाद इंगोले, उपसभापती अशोक कपाटे,सरपंच संघटनेचे तालुका अध्यक्ष तथा देगाव चे सरपंच भगवान कदम, कोंढा सरपंच राम कदम ,बारड चे उपसरपंच बाळासाहेब देशमुख,सरपंच सतीश कदम, सरपंच विजय जाधव, सरपंच संजय सावते,शिवसेना तालुकाप्रमुख संतोष कपाटे कैलास कल्याणकर गणपत शिंदे,संदीप व्यवहारे,गोविंद कपाटे, नारायणराव कपाटे ,शिवाजी कपाटे आदींनी दिला.
