नांदेड, बातमी24ः नुकतेच आयएएस मानांकन मिळालेल्या सनदी अधिकारी शिवानंद टाकसाळे हे नांदेड जिल्हा परिषदेचे मुख्य कार्यकारी अधिकारी पदासाठी स्वतःची पद, प्रतिष्ठा पणाला लावली आहे. जिल्ह्यातील आमदारांचे पाठबळ ते मिळविण्याचा प्रयत्न करत आहेत. मात्र यासंबंधी सर्वस्वी निर्णय हा सार्वजनिक बांधकाममंत्री अशोक चव्हाण यांचा असणार असून, ते काय निर्णय घेतात याकडे लक्ष असणार आहे.
जिल्हा परिषदेचे मुख्य कार्यकारी अधिकारी अशोक काकडे यांची सारथीच्या मुख्य कार्यकारी अधिकारी पदी निवड झाल्यापासून मागच्य सहा महिन्यांपासून नांदेड जिल्हा परिषदेचे मुख्य कार्यकारी अधिकारी पद रिक्त आहे. अद्यापपर्यंत पालकमंत्र्यांना मर्जीतील अधिकारी मिळू शकलेला नाही.त्या दरम्यानच्या काळात जिल्हाधिकारी आले, महापालिकेला आयुक्त मिळाले. मात्र जिल्हापरिषदेला सीईओ मिळत नसल्याबद्दल आश्चर्य सुद्धा व्यक्त केले जात आहे.
सीईओ म्हणून येण्यासाठी सनदी अधिकारी पद मिळालेल्या विभागीय आयुक्त कार्यालयात अपर आयुक्त असलेल्या वर्षा ठाकूर, शिवानंद टाकसाळे यांचे नावे आघाडीवर आहेत. दोघांपैकी एक जण येण्याची शक्यता व्यक्त केली जात आहे. मात्र ही शक्यता मागच्या तीन ते चार महिन्यांपासून शक्यता याच शब्दावर अडकून पडली आहे.
वर्षा ठाकुर यांच्यापेक्षा शिवानंद टाकसाळे हे नांदेड सीईओ म्हणून येण्यास बाजी लावून बसले नाही. नांदेड जिल्ह्यातील असा माणूस जो, की त्यांच्या परिचयाचा नसावा, ज्याला ते माझ्याबाबत प्रयत्न करा, अशी गळ ते घालत नसावे, जिल्ह्यातील आमदारांकडे बोलून बसले आहेत. काही अधिकार्‍यांना मध्यस्थीसाठी प्रयत्न करा म्हणून मागे लागलेले आहेत.हे प्रयत्न त्यांचे सहा महिन्यांपासून सुरु आहेत.
या सहा महिन्यांच्या काळात शिवानंद टाकसाळे हे पालकमंत्री अशोक चव्हाण यांच्या मर्जीत उतरले नसल्याचे तितकेच खरे आहे. तसे असते, तर टाकसाळे यांचे जि.प. सीईओ म्हणून तेव्हाच आदेश निघाले असते. अशोक चव्हाण हे टाकसाळे यांच्या व्यतरिक्त इतर अधिकार्‍यांचा सुद्धा शोधा-शोध घेत असावे. कदाचित त्यामुळे टाकसाळे यांना हिरवाकंदिल मिळत नसावा, या शक्यता नाकारता येत नाही. मात्र एक नक्की टाकसाळे यांना उठता-बसता, दिवस-रात्र नांदेड जिल्हा परिषदे मुख्य कार्यकारी अधिकारी पदाचेच स्वप्न पडत आहेत. यात मात्र शंका नाही.
