reनांदेड,बातमी24:- शुक्रवारी आलेल्या अहवालात 158 जण हे बाधित झाले आहेत.जिल्ह्यातील एकूण बाधित रुग्णाची 16 हजार पार गेली आहे. मागच्या 24 तासात 6 जणांचा कोरोनाच्या संसर्गामुळे मृत्यू झाला आहे.सध्या 3 हजार 182 जणांवर उपचार सुरू आहेत.
मागच्या 24 तासात 852 जणांची चाचणी करण्यात आली. यात 678 अहवाल निगेटिव्ह तर 158 अहवाल पॉझिटिव्ह आले आहेत. यात आरटी पीसीआर चाचणीत 31 व अँटीजनमध्ये 127 जणांचा समावेश आहे. त्यामुळे जिल्ह्यातील रुग्ण संख्या 16 हजार 59 झाली, 12 हजार 399 जणांनी कोरोनावर मात केली.यात आजच्या 216 जणांचा सुद्धा समावेश आहे.तर 3 हजार 182 जणांवर उपचार सुरू असून 38 जणांची प्रकृती गंभीर आहे.
———–
नांदेड येथील जुना मोंढा 55 वर्षीय पुरुषाचा दि.1 रोजी, बिलोली येथील बुडून येथील 30 वर्षीय पुरुषाचा दि.1 रोजी, भोकर येथील 48 वर्षीय पुरुषाचा दि.1 रोजी,टिळकनगर येथील 91 वर्षीय पुरुषाचा दि.1 रोजी, पूर्णा रोडवरील 72 वर्षीय पुरुषाचा दि.2 रोजी,तर नांदेड येथील वैभव नगर येथील 87 वर्षीय पुरुषाचा दि.2 रोजी मृत्यू झाला.आता पर्यंत कोरोनामुळे 412 जणांचा मृत्यू झाला आहे.
