नांदेड,बातमी24:- बंदूकधारी गुंड व लूटमार गँगने पोलिसांच्या नाकी दम आणला आहे,यात पोलिसांनी अशा गँग थोपविण्याचा प्रयत्न केला आहे.मात्र अलीकडे दुचाकी चोरट्याने धुमाकूळ घातला आहे. पोलीस डोळ्याला पट्या बांधून बसले,की काय असा सवाल त दुचाकीस्वारांमधून उपस्थित होत आहे.
नांदेड जिल्हा अवैध धंदा याचे वखार बनले आहे.वाळू माफिया,मटका माफिया,खंडणी माफिया,अवैध शस्त्र विक्री काळा बाजार, असे प्रकार नित्याचे झाले आहेत.
लॉकडाउनच्या काळात दुचाकी चोरांनी पार डोकेवर काढले,असून दिवसाकाठी गाडी चोरी होण्याच्या प्रकारात वाढ होत चालली आहे.शहरातील कोणत्या ना कोणत्या पोलीस ठाण्यात दुचाकी चोरीची तक्रार दाखल होत असते.
चोऱ्यांच्या घटनेत वाढ होत आहे. मात्र तपासाची चक्रे त्या तुलनेत गीतमान होताना दिसत नाहीत.त्यामुळे चोरी गेलेल्या गाड्या तपासात मिळतील की नाही याबद्दल अनेकांच्या मनामध्ये शंका आहे.
