नांदेड,बातमी24:-सेवनिवृत्तीस एक दिवस अगोदर माध्यमिक शिक्षण विभागाचे शिक्षणाधिकारी बाळासाहेब कुंडगिर यांच्या विभागात संस्थाचालक व कामानिमित्त आलेल्या लोकांची गर्दी पाहता सामान्य प्रशासन विभागाने आवाक जावक रजिस्टर ताब्यात घेतले.या प्रकरामुळे जिल्हा परिषदेत खळबळ उडाली.
प्रशासकीय कारभारात मोठा हातखंडा असलेले बाळासाहेब कुंडगिर हे उधा सेवानिवृत्त होत आहेत, त्यामुळे मागच्या पुढच्या कामाचा निपटारा लावण्यासाठी कुंडगिर यांच्या दालनात तुफान गर्दी झाल्याची बाब निदर्शनास आली.त्यामुळे सीईओ वर्षा ठाकूर यांनी आवक जावक जरिस्टर ताब्यात घेण्याच्या सूचना सामान्य प्रशासन विभागाचे उपमुख्य कार्यकारी अधिकारी डॉ.सुधीर ठोबरे यांना दिले,त्यानुसार रजिस्टर ताब्यात घेतले,असून या प्रकरणी तपासणी केली जात असल्याचे ठोबरे यांनी सांगितले.
