नांदेड, बातमी24:- नांदेड जिल्ह्यात रुग्णसंख्या झपाट्याने वाढत चालली आहे.कोरोनाचा विळखा मोडण्यासाठी जिल्हाधिकारी डॉ.विपीन इटनकर यांनी हॉटेल,परमीटरूम,धाबे,बेकरी,स्वीटमार्ट,चाट भांडार आदी बंद ठेवण्याचे आदेश दिले.हे आदेश 31 मार्चपर्यंत असणार आहेत.
कोरोनाची दुसरी लाट पुन्हा आली,असून वेगाने रुगसंख्या वाढत आहे.हा संसर्ग रोखण्यासाठी मिशन बिगीन अगेन या मोहिमेअंतर्गत जिल्ह्यात सायंकाळी सात ते सकाळी सात वाजेपर्यत संचारबंदी घोषित केली आहे.तरी रुग्णसंख्या वाढत असल्याने कोरोनाच्या रुग्णसंख्येत होणारी वाढ चिंतेचा विषय ठरत आहे.
कोरोनाच्या संसर्गाची साखळी तोडण्यासाठी प्रशासन अधिक कडक भूमिका घेऊ लागले आहे.त्यातच एक भाग म्हणून हॉटेल,परमीटरूम,धाबे,बेकरी,स्वीटमार्ट,चाट भांडार आदी बंद ठेवले जाणार आहे,मात्र हॉटेलमधून पार्सल सुविधा दिली जाणार असल्याचे जिल्हाधिकारी डॉ.इटनकर यांनी कळविले.
