नांदेड,बातमी24:-जिल्हा मध्यवर्ती सहकारी बँकेच्या अध्यक्षपदी माजी आमदार वसंत चव्हाण यांची तर उपाध्यक्षपदी राष्ट्रवादी काँग्रेसचे जिल्हाध्यक्ष हरिहर भोसीकर यांची बिनविरोध निवड झाली.
जिल्हा मध्यवर्ती सहकारी बँकेच्या झालेल्या निवडणुकीत काँग्रेस, राष्ट्रवादी व शिवसेना पुरस्कृत समर्थ विकास पॅनलने 17 जागेवर विजयी मिळवित बहुमत मिळविले.यात काँग्रेस 12,राष्ट्रवादी 4 व शिवसेना 1 तर भाजपने 4 जागा जिंकल्या होत्या.
शुक्रवार दि.16 रोजी झालेल्या अध्यक्ष व उपाध्यक्ष पदाची निवडणुकीमध्ये एकमेव वसंत चव्हाण व भोसीकर यांचे एकमेव अर्ज दाखल झाले.त्यामुळे ही निवड बिनविरोध घोषित करण्यात आली. अपेक्षेप्रमाणे वसंत चव्हाण यांच्या अध्यक्षपदाची चर्चा सुरुवातीपासून सुरू होती,उपाध्यक्षपद हे राष्ट्रवादी की शिवेसेनेकडे जाणार याकडे लक्ष लागले होते.काँग्रेससोबत जवळीक साधून राहीलेल्या भोसीकर यांच्या गळ्यात उपाध्यक्षपदाची माळ पडली.यावेळी भाजपच्या चार ही संचालकांनी गैरहजेरी लावली.
