नांदेड, बातमी24:-संजय बियाणी यांच्या हत्येनंतर नांदेड शहरातील वातावरण ढवळून निघालेले असताना भाजपचे खासदार प्रताप पाटील चिखलीकर यांना सात महिन्यांपूर्वी दहा कोटी रुपये दे अन्यथा सर्व कुटूंबाला मारून टाकू असे धमकी पत्र आल्याची माहिती आज समोर आली.या जुन्या धमकीच्या पत्राने आज नांदेडमध्ये एकच खळबळ उडाली आहे. नांदेडचे खासदर ही सुरक्षित नसतील तर सर्वसामान्य नागरिकांचे काय असा प्रश्न पडला आहे.
खासदर प्रताप पाटील चिखलीकर यांचे मित्र असलेल्या संजय बियाणी यांची दिवसाढवळ्या गोळ्या झाडून हत्या पंधरा दिवसांपूर्वी झाली होती.या घटनेच्या निषेधार्त भाजपच्या वतीने जिल्हाधिकारी कार्यालयासमोर बुधवार दि.20 रोजी निदर्शने करण्यात आली.त्यानंतर जिल्हाधिकारी यांना देण्यात आलेल्या निवेदनावेळी प्रताप पाटील चिखलीकर यांना आलेल्या पत्रा विषयी पुन्हा समरणपर निवेदन देण्यात आले.
मी खासदार झाल्यानंतर रिंदा नामक गुंडाकडून 10 कोटी रुपयांच्या खंडणीसाठी मला माझ्या कुटूंबियांना जीवे मारण्याची धमकी दिली.त्यावेळी मी प्रशासन निवेदन दिले होते.हे पत्र पोलीस अधीक्षक, विशेष महा पोलीस निरीक्षक व विशेष पोलीस महानिरीक्षक यांना दिले असल्याचे चिखलीकर याना निवेदनात नमूद केले. मला आतापर्यंत पोलीस संरक्षण दिलेले नाही,यात राजकारण आड येत असल्याचे चिखलीकर यांनी स्पष्ट केले.माझ्या सारख्या संसद सदस्यास असे धमकी पत्र आले,मात्र हे प्रकरण पोलीस प्रशासनाने गंभीररीत्या हाताळले नसल्याचा आरोप त्यांनी केला.
