नांदेड, बातमी24:-
जिल्हा परिषदेत पक्षांसाठी पाण्‍याची व्‍यवस्‍था
नांदेड,3- जागतिक वन्‍यजीव दिवस जगभरात साजरा केला जातो. याचे औचित्‍य साधून आज बुधवार दिनांक 3 मार्च रोजी नांदेड जिल्हा परिषदेच्‍या परिसरातील वृक्षावर पक्षांसाठी पिण्‍याच्‍या पाण्‍याची व्‍यवस्‍था करण्‍यात आली आहे. जिल्हा परिषद अध्‍यक्षा मंगराणी अंबुलगेकर, मुख्‍य कार्यकारी अधिकारी वर्षा ठाकूर-घुगे, कृषी व पशुसंवर्धन सभापती बालासाहेब रावणगावकर, समाजकल्‍याण सभापती रामराव नाईक यांच्‍या उपस्थितीत वृक्षांवर पक्षांसाठी मातीच्‍या कुंडयामध्‍ये पाणी ठेवण्‍यात आले आहे.
यावेळी अतिरिक्‍त मुख्‍य कार्यकारी अधिकारी डॉ. शरद कुलकर्णी, मुख्‍य लेखा व वित्‍त अधिकारी रावसाहेब कोलगणे, शिक्षणाधिकारी प्रशांत दिग्रसकर, जिल्हा पशुसंवर्धन अधिकारी डॉ. बोधनकर, डॉ. अरविंद गायकवाड, उप शिक्षणाधिकारी बंडू अमदुरकर यांच्‍यासह जिल्हा परिषदेतील खाते प्रमुख, अधिकारी व कर्मचारी यांची उपस्थिती होती.
*चौकट*
जिल्हा परिषदे अंतर्गत तालुक्‍यातील सर्व कार्यालय परिसरात प्राणी व पक्षांसाठी पाण्‍याची व्‍यवस्‍था करणे अत्‍यंत आवश्‍यक आहे. आता उन्‍हाळ्याची चाहुल लागली असून प्रत्‍येकाने पक्षांसाठी आपल्‍या घराच्‍या परिसरात पिण्‍यासाठी पाणी ठेवावे असे आवाहन जिल्हा परिषदेच्‍या मुख्‍य कार्यकारी अधिकारी वर्षा ठाकूर-घुगे यांनी केले आहे.
