नांदेड,बातमी24:- खरेदी केलेल्या जमिनीचा फेरफार करून सातबारा देण्यासाठी 3 हजार रुपयांची लाच मागणार तलाठी चतुर्भुज झाला.ही कारवाई लाचलुचपत प्रतिबंधक कार्यालयाने केली.
मुदखेड तालुक्यातील मेंढका येथे तलाठी असलेल्या रमेश मारोती गड्डपोड याने तक्रारदारास तीन हजार रुपयांची लाच मागितली. यातील अडीच हजार रुपये तडजोडीअंती स्वीकारताना रंगेहात पकडण्यात आले.
या प्रकरणात तक्रार व कारवाई एकाच दिवशी झाल्याचे समोर आले आहे. मागच्या दोन दिवसांपूर्वीच एका ग्रामसेवकास दीड लाख रुपयांची मागणी केल्याप्रकरणी पकडण्यात आले होते. तीन दिवसातील ही दुसरी कारवाई आहे.
