नांदेड,बातमी24:-जिल्हा परिषदेच्या उपाध्यक्ष तथा अर्थ सभापती पद्मा रेड्डी यांनी 27 कोटी 44 लाख रुपये किंमतीचा अर्थसंकल्प सर्वसाधारण सभेपुढे मांडला.यावेळी पद्मा रेड्डी यांनी सर्व विभागांचा सर्वोतपरी समतोल राखण्याचा प्रयत्न या अर्थसंकल्पातून केला आहे.
जिल्हा परिषदेची अर्थसंकल्पीय सभा बुधवार दि.17 रोजी कोरोनाच्या पार्श्वभूमीवर ऑनलाइन घेण्यात आली.या सभेला जिल्हा परिषद अध्यक्ष मंगाराणी अबुलगेकर, उपाध्यक्ष पद्मा रेडी, सीईओ वर्षा ठाकूर, सभापतो रामराव नाईक,सभापती संजग बेलगे, सभापती बाळासाहेब रावनगावकर, सभापती सुशीला बेटमोगरेकर,लेख व वित्त अधिकारी रावसाहेब कोलगणे यांच्यासह विभागप्रमुख व सदस्य हे ऑनलाइनने जोडले गेले होते.
यावेळी पद्मा रेड्डी यांनी ग्रामीण भागातील नागरिकांना सुविधा लाभाव्या यासाठी 27 कोटी 44 लाख रुपयांचा अर्थसंकल्प सभेसमोर मांडला. यामध्ये सन 2020-21 चे सुधारित तसेच 2021-2022 चे मूळ अंदाजपत्रक सादर केले.यात 2020-21 ची सुधारित जमा 27 कोटी 44 लाख 39 हजार 851 निवळ महसुली जमा 21 कोटी 5 लाख 53 हजार 933 इतकी एवढी आहे,यातील महसुली खर्च हा 27 कोटी 43 लाख 47 हजार 590 इतका झाला,असून 92 हजार 261 रुपये शिलकी आहे.
सन 2021-22 ची अंदाजित जमा 19 कोटी 6 लाख 915 एवढी आहे.वयक्तिक लाभाच्या योजनेत महिलासाठी 30 टक्के निधी राखीव ठेवला आहे.त्यामुळे महिला सुविधा मिळू शकणार आहेत.
